Liebi Truurg'meind
Mir händ eus hüt da versammlet zum Abschied z'neh vo eusem liebe Maa, Papi, Pappopa und Yayo
Du hesch viel Näme und Funktione treit, im ganze Umfäld.
Doch öpis het alli g'eint und zwar das dich alli liebed und bewunderet.

Du bisch so e Frohnatur, dass du alli wo dich kenned, häsch bracht zum lache nur.
Dini Sprüch, aber au dini Gellä hät doch niemert amene Fäscht vermisse wellä.

Nid nur Redeschwinge, nei au Singe het er chöne.
Doch d' Paradedisziplin isch gsi, dies Umfäld z’verwöhne.
Mit Bollä, Schoggi, sis Lachä und die Sachä wo mer ihm het chöne machä.

Klar git‘s Sache wo er nid gern gah heet und zwar Ding usem Gmüesbeet.
Mer chönds au konkretisiere und zwar alles mit grüene Bletter uf d'Siit g'schobä wenn das ufem Täller gsi isch, das het er.
Doch wiiter gahts mit de Gäng, det isch s kulinarische Fäld nid so eng.

Bim Dessert isch sis Herz uf gangä will er het vo Afang a nüm chöne plangä.
Doch das isch noni alles g'sii, nei Rahm het immer müsse sii.

Was hemmer no alles vo dir chöne erfahre, näbe Liebi und Geborgeheit?
Vieli Eine würi meine isch s Autofahre. Nätürlich hets da verschiedeni Erinnerige doch ich denke zum diä uf de Punkt bringe sind alli vo Erfolg gekrönt.

Aagfange het alles uf dinere Schoss. Mer het sich gfühlt wie es Gschoss.

S isch nid lang gangä, mer het chum chöne plangä, endlich älei uf de Sitzt chöne z stiige, natürlich het mer s'sölle verschwiege 😉.

Die traditionsriichi Strecki, ob Maienriedwägli oder Halteräbestrass, Hauptsach mer het chöne drucke uf s Gas.
Doch glii sind die Strecke worde z chli.

Klar giz au so Vorfäll wo's nachher hät's es neus Auto oder e Buess geh, wegem fahre z'schnell.
Diä Frag, wer mit em Neon in Grabä g'fahre isch, isch bis hüt nonig vom Tisch.
Doch wür i glaubä beidi sind nid im Spiegel g'si mit de Augä.

Nei au in Spycher hät's Erlebnis gee zum Biispiel mit de LGB. Det händ mer immer welle die steilschte Hügel Baue.
Doch das hät ihn gar nid verzückt, will mir so doch d'Schiene händ «verbückt»

Bliibed mer doch gad bi de Spieli, ja kennt het er devo sehr viieli. Zum Biespiel het s das legendäre "Kribi Krabi" geh, das "Tatsch, Tatsch, Tatsch" duet hüt no weh 😉.
Nid nur das händ mer g'spielt, au Skippo oder Chartä legge.
Aber au de schwarzi Peter mit em Melvin, as ufhöre händ Beidi dänkt, kein Meter.

Dini Haarpracht isch cholerabä schwarz gsii, und mir Enkel händ üs immer g'fräget wo isch das denn hii??
Doch de Melvin het sich nid dra lah hinderä, huckepack das verbliibende Haar, mit Elan nach hinterä z'bindä.

Z'ämmeg'fasst würi säge das passt. Er isch en grosse Teil vo eusem Läbe g'si. Doch jetzt isch er g'wanderet i eusi Herzä dri.

Somit bisch du nach wie vor no da.
Au wenn mer dich direkt nüm umarme cha.
Ruhe in Frieden, Papopa!!!